786 Бардыгы /

ЖАЛАЛ-АБАД. Бүгүн 15-февралда советтик аскерлердин Ооганстандан чыгарылганына 32 жыл толду. Ооган согушуна катышып, кайтып келгенден кийин ички иштер органдарында 30 жылдын тегерегинде үзүрлүү эмгектенген 6 ардагер бүгүн Сузак райондук ички иштер бөлүмүндө сыйланышты.

Бул саамалыкка Сузак РИИБдин начальниги, милициянын подполковниги Эрнис Сатаров, Сузак РИИБдин Ардагерлер кеңешинин төрагасы, милициянын отставкадагы майору Сүйөркул Бакиров катышты. Өздүк курам алдында Ооган согушунун ардагерлерине акчалай сыйлыктар тапшырылып, алардын басып өткөн жолдору жаш кызматкерлерге чоң сабак экендиги белгиленди.

Өз кезегинде Ооган согушунун жана ИИОнун ардагерлери колдоо көрсөтүп жана куттуктоо жолдоп жаткан РИИБдин жана Ардагерлер кеңешинин жетекчилигине ыраазычылыктарын билдиришти.

“АЙМАК”