2,133 Бардыгы /

ОШ. Кыргыз Өкмөтүнүн Ош облусундагы ыйгарым укуктуу Өкүлү Жарасул Абдураимов Кыргыз-Өзбек чекарасындагы “Достук” чек ара өткөрмө бекетиндеги ал-акыбал менен жеринде таанышты. Мындагы жаңыдан курулуп жаткан заманбап чек ара өткөрмө бекети аяктаса, ары-бери өтүшкөн эки өлкөнүн жарандарын тейлөө сапаты азыркыдан дагы жакшырып, коррупциялык механиздер кыйла эле ооздукталаары бышык.

Мындан тышкары ишкерлер үчүн заманбап  фитосанитардык лаборатория экспортко чыгууну ылдамдатат жана жогорулатат. Кезек күткөн жарандардын саны бир топ экендигин көргөн Ош облусунун жетекчиси чек арачылардын ишине абдан кызыкты. Чек арачылар мындай кезек пайда болгондугун электр энергиясы эскертүүсүз өчүрүлүүдөн улам  автоматташтырылган мезанизмдер жана компьютерлердин иши үзгүлтүккө учурагандыгы менен түшүндүрүштү. Ал эми фитосанитардык көзөмөл бекетинин өзүнүн санитардык абалы абдан начар экендигин көргөн Жарасул Абдураимов Ош облустук СЭС кызматына каражат каралып жатса дагы чечилбеген бул чек ара бекетиндеги СЭСти токтоосуз оңдоп, кемчиликти чукул арада четтетүү үчүн бир ай гана убакыт ыроолоду.

Эскерте кетчү жагдай: чек арадан өтүү үчүн ПЦР анализин алуу жана анын жыйынтыгы менен өтүү талабы дагыле күчүндө. Ал эми тейлөө тармагы, чекара өткөрмө бекетинин аймагындагы мыйзамсыз жеке тараптардын обьектилери, жоопкерчилиги тууралуу суроолорго оңдуу жоопту бере албаган Кара-Суу районуна караштуу Кызыл- Кыштак Айыл өкмөтүнүн башчысынын милдетин аткаруучу М. Макамбаевге катуу эскертүү берилип, талапка ылайык жайгаштырууну уюштуруу, жарандарга бирдей артыкчылык берүү менен тейлөө сапатын уюштуруу үчүн бир ай мөөнөт берилди. Анткени, мурунку Айыл Өкмөтүнүн башчысы жарандардын тынымсыз даттанууларынан улам өз арызынын негизинде жумушунан бошотулган.

Кыргыз Өкмөтүнүн Ош облусундагы ыйгарым укуктуу Өкүлү Жарасул Абдураимов: “ЧЕК АРА – БУЛ БИЗДИН АСТАНА. ЭШИГИН КӨРҮП, ТӨРҮНӨ ӨТ!” дешет. Эң биринчи бул чек ара бекетинде тазалык, тартип жана жоопкерчилик сезилип турсун! Ош облусуна караган бул аймакты талаптагыдай кароо менен биз – КЫРГЫЗ РЕСПУБЛИКАСЫ туурасында оң гана пикир туудура алабыз. Андыктан, мындай шалаакы, боло берет деген мамиле жасагандар сөзсүз жазаланат. Өкмөттүн талабы дагы ошол! – деди.

Алишер ТОКСОНБАЕВ “АЙМАК”