1,317 Бардыгы /

ОШ. Ош облусунун Кара-Суу шаарындагы Райымбек Матраимовдун атасынын наамын алып жүргөн «Исмаил ата» чайханасынын алдына бир топ адам чогулушту. Алар Бажы кызматынын мурунку төрагасынын орун басары Райымбек Матраимов калкка абдан көп жардам бергендигин ачыкташып,  аны токтоосуз түрдөбоштондукка чыгаруу зарылдыгын талап кылышты.

Кара-Суудагы нааразычылык акциясына чогулган  жүз чакты киши адегенде Кара-Суу райондук акимчилимгинежүрүш жасашып, талаптарын ошол жерде ачык айтышты. Аларды жарандык активист Али Абдразаков жана  тамада Аман Ибраев баштап жүрүшөт.

Буга дейре Бишкектин Биринчи май райондук соту ушул жылдын 11-февралында Райымбек Матраимовду «Коррупция» беренеси менен күнөөлүү деп таап, 260 миң сом айып пул чектеген. Ал Бажыда коррупциялык схема түзгөндүгүн өзү ачык моюндап, буга чейин мамлекеттик бюджетке 2 миллиард сом төккөн эле.

Ал эми УКМКнын төрагасы Камчыбек Ташиев Бишкекте уюштурган басма сөз жыйынында Райымбек Матраимовдун үстүнөн дагы жаңы кылмыш иши ачылганын билдирген эле. АКШнын каржы министрлиги былтыр декабрда Райымбек Матраимовду жана анын жубайы Уулкан (Аманда) Тургунованы «Магнитский акты» деп аталган «кара тизмеге» киргизген.

Алишер ТОКСОНБАЕВ “АЙМАК”