1,554 Бардыгы /

ЖАЛАЛ-АБАД. Ала-Бука чек ара отрядынын чек арачылары аткзчилик жол аркылуу ташылып бараткан 450 миң сомдук жандыктарды – койлорду жана жүктөрдү колго түшүрүштү. Бул туурасында УКМКга караштуу Мамлекеттик чек ара кызматынан кабарлышты.

Маселен, Жалал-Абад облусунун Аксы районуна караштуу Турбаза тилкесинен Кыргыз чек арачылары 2400 кутучадагы энергетикалык суусундукту кармашты. 1993-жылы туулган Кыргыз жараны Б.Р. аталган продукцияны Кыргыз чек арасын кыйгап өтүп Өзбекстанга ташып бараткан экен. Мындан тышкары ушул эле облустун Ала-Бука районуна караштуу Таза-Суу тилкесинде 1986-жылы туулган Кыргыз жараны М. А.  Чек араны кыйгап Өзбекстанга он алты кой алып баратканда колго түшүрүлдү.

Кармалган энергетикалык суусундуктардын жана койлордун жалпы наркы 450 миң сомду түзөөрү аныкталды. Тиешелүү документтер толтурулгандан кийин кармалгандар Кыргызстандын укук коргоо органдарына мыйзам чегинде чара көрүү үчүн тапшырылды.

Алишер ТОКСОНБАЕВ “АЙМАК”