834 Бардыгы /

ЖАЛАЛ-АБАД. Кыргыз Республикасынын Премьер-министри Улукбек Марипов Жалал-Абад облусуна жасаган жумушчу сапарынын жүрүшүндө Сузак районундагы бир нече айыл чарба объектилеринин ишмердүүлүгү менен дагы кенен-чонон таанышты.

Маселен, Сузак районундагы Кара-Жыгач айылында Кыргыз Өкмөтүнүн башчысы бадыраң, помидор, болгар калемпири, лимон өстүрүлгөн күнөсканага барш бакты. Бул жайда жыйырма чакты адам эмгектенет. Бирок, сезон маалында булардын саны 100дү чапчыйт. Улукбек Марипов баса белгилегендей, жергиликтүү ишкерлерди колдоо, ошондой эле чакан, бирок, кыйла заманбап жана модернизацияланган ишканаларды ачып жергиликтүү жашоочуларды жумуш менен камсыздоо зарыл! Бул өңүттө премьер-министр ушул тапта Орусия-Кыргызстан өнүктүрүү фонду тарабынан фермерлерди колдоо боюнча иштерди активдештирүү пландалып жаткандыгын ачыктады. Андан соң Улукбек Марипов жер-жемиштерди жана жашылчаларды кайра иштетүү менен алектенген, 2005-жылдан бери иштеген заводдун иши менен дагы таанышты. Ишкана ширелерди, консервацияланган жашылчаларды, кыям жана кургатылган жемиштерди өндүрөт. Сатуу көлөмү продукцияны ички жана экспорттук рынокторго, мунун ичинде Германия, АКШ жана Түркияга чыгарууга шарттар жаралып олтурат. Ишканада туруктуу негизде 32 адам иштейт, ал эми сезондо жумушка кошумча элүү чакты адам тартылат. Кыргыз Өөмөтүнүн башчысы өндүрүлгөн продукциянын жогорку сапатын, ишкананын жакшы иштеп жаткандыгын жана анын экономиканын өсүшүнө тийгизген узак мөөнөттүү оңдуу таасирин баса белгиледи.

• Бизде Ата Мекендик өндүрүштөгү азык-түлүк жана пайдалуу

өнүмдөрдүн жеткиликтүүлүгүн жакшыртууну шарттаган  ушундай долбоорлор бар экендиги мени абдан кубандырат. Өз тарабынан Кыргыз Өкмөтө булардын өнүгүүсүн ар дайым туруктуу колдойт! – деп ишендирди Премьер-министр Улукбек Марипов.

Буга улай Өкмөт башчы жазгы жана күзгү дан эгиндери, пахта жана башка өсүмдүктөр өстүрүлгөн үрөн чарбасынын ишмердүүлүгү менен дагы таанышты. Дыйкандар туш болгон кыйынчылыктар тууралуу тыкыр сураштырып, өлкө Өкмөтүнүн ата мекендик айыл чарбаны колдоо жана өнүктүрүү боюнча негизги багыттары туурасында баян этти.

• Айыл жериндеги эмгек өтө оор жана талыкпаган түйшүктү,

каржылык сарптоолорду гана талап кылат. Биз – агрардык өлкөбүз жана калктын басымдуу бөлүгү айыл чарбасына гана тартылган. Буга байланыштуу ушул тармакты өнүктүрүү артыкчылыктуу багыт болуп саналат, – деп баса көрсөттү Улукбек Марипов.

Алишер ТОКСОНБАЕВ “АЙМАК”