Аймак

ӨКМӨТ БАШЧЫ УЛУКБЕК МАРИПОВ ЖАЛАЛ-АБАДДАГЫ ПСИХОЛОГИЯЛЫК-НЕВРОЛОГИЯЛЫК ЖАТАК ҮЙҮНӨ БАШ БАКТЫ

ӨКМӨТ БАШЧЫ УЛУКБЕК МАРИПОВ ЖАЛАЛ-АБАДДАГЫ ПСИХОЛОГИЯЛЫК-НЕВРОЛОГИЯЛЫК ЖАТАК ҮЙҮНӨ БАШ БАКТЫ

 717 Бардыгы /

ЖАЛАЛ-АБАД. Кыргыз Өөкмөтүнүн башчысы Улукбек Марипов Жалал-Абад шаарындагы психологиялык-неврологиялык жатак үйүнүн ишмердүүлүгү менен жеринде таанышты.

  • Мамлекеттин кароосундагы балдарга көрсөтүп жаткан мыкты

камкордугуңуздар жана жангыс сүйүүңүздөр үчүн терең ыраазыбыз! Сиздер үйдөгү түйшүгүңүздөргө жана анча көп эмес маянага карабастан ишиңиздерди дагыле улантып келатасыздар. Бул өтө жакшы иш, Сиздер мына ушул өзгөчө балдардын ата-энесинин ордун толуктап жатасыздар. Биз жакынкы мезгилде дарыгерлердин айлык акысын жогорулатууну пландаштырып жатканыбызды айта кетейин. Бул категорияга Сиздердин ар бириңиздер туш келесиздер. Педагог жана социалдык кызматкер макамына  ээ болгондордун бардыгынын эмгек акысы да көбөйтүлөт. Бирок, ушул тапта биз үчүн эң маанилүүсү кам көрүүгө муктаж балдардын саламаттыгы! – деп агынан жарылды Кыргыз Өкмөтүнүн башчысы Улукбек Марипов.

         Андан соң премьер-министр Өкмөттүн атынан балдардын психологиялык-неврологиялык жатак үйүнө балдарга кам көрүү каражаттарын сатып алууга 100 мин сомдук сертификатты тапшырды. Буга улай Улукбек Марипов Жалал-Абад шаарындагы №1 үй-бүлөлүк медицина борборунун абалы менен дагы таанышты. Мында бир жарым миңден ашуун шаардыктар тейленет. Жалал-Абад шаарынын ҮМБсынын имараты жүз жыл мурда салынган жана авариялык акыбалда деп табылган. Бирок, 2016-жылдан бери жаңы курулуш объекттеринин титулдук тизмесине киргизилбей келатат. Ошондуктан, премьер-министр учурда иштеп жаткан поликлиниканын аймагында жаңы имаратты куруу маселесин изилдеп чыгууну, ошондой эле шаардыктар үчүн ыңгайлуу башка жерге салуу мүмкүндүгүн кароону тапшырды.

Мындан тышкары Өкмөт башчысы Жалал-Абад шаарындагы жападан жалгыз калкты тейлөөчү борборго дагы баш бакты. Ал турак жайдын биринчи кабатында жайгашкан. Калктын агымынын көптүгүнө байланыштуу кезек көбөйүп, калаа тургундарынын нааразычылыгын гана жаратууда. Объекттин абалы менен таанышкан соң Премьер-министр мурда завод жайгашкан Жалал-Абад мэриясы тарабынан сунушталып жаткан имаратты капиталдык оңдоп-түзөөдөн тез өткөрүү үчүн эсептөөлөрдү жүргүзүүнү милдеттендирди.

Сапарынын соңунда Өкмөт башчысы Улукбек Марипов Жалал-Абад шаарындагы авариялык абалда турган М. Бабкин атындагы мектеп-гимназия тууралуу дагы ачык маалымат алды. Премьер-министр бул окуу жайдын аймагында жаңы корпус куруу үчүн кошумча каражаттарды издөөнү карап чыгуу тапшырмасын берди.

Алишер ТОКСОНБАЕВ “АЙМАК”

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17