1,536 Бардыгы /

ОШ. Ош облусунун Өзгөн районунда 60 миң сомдук малды уурдоого шектелип эки жигит акыры кармалды. Бул тууралуу Ош облустук ички иштер башкармалыгынын басма сөз кызматынын жетекчиси Жеңиш Ашырбаев билдирди.

• Үстүбүздөгү жылдын 9-мартында милиция бөлүмүнө Өзгөн

шаарынын Жаштык көчөсүнүн 39-жаштагы Н.У. аттуу тургуну 5-марттан 6-мартка караган түнү өзүнүн мал сарайында байланып турган кара-күрөң түстөгү үч жашар кунажыны уурдалгандыгын айтып, арыз менен кайрылган. Ощентип, жабырлануучу жалпысынан 60 миң сомго чыгымга учураган, – дейт Ош облустук ички иштер башкармалыгынын басма сөз кызматынын жетекчиси Жеңиш Ашырбаев.

Ыкчам тергөө иштеринин жүрүшүндө шектүү катары Өзгөн районунун Заргер айылынын 20 жаштагы У.А. аттуу тургуну жана Жаңы Өзгөн айылынын 21 жаштагы Б.Ы. аттуу тургуну кармалышты. Күмөндүүлөр Өзгөн районунун убактылуу кармоочу жайына киргизилди.

Учурда шектүүлөрдүн дагы башка кылмыштарга тиешеси бар экендиги тергөөнүн жүрүшүндө ар тараптуу териштирилүүдө.

Алишер ТОКСОНБАЕВ “АЙМАК”