1,188 Бардыгы /

  БИШКЕК. АКШнын Эл аралык өнүктүрүү боюнча Агенттиги (USAID) «Келгиле, окуйбуз!» долбоорунун жыйынтыктары жана жетишкендиктери менен тааныштырды. Долбоор Билим берүү жана илим министрлиги жана Маданият, маалымат жана туризм министрлиги менен биргеликте жүзөгө ашырылды. Беш жыларалыгында долбоор өлкө боюнча башталгыч класстарда китеп окууга үйрөтүүнүн инновациялык усулдарынкатарынан киргизди. Долбоор алкагында USAID мектептерге 1,5 миллиондон ашуун сапаттуу окуу материалдарын дагы тартуулады.

         Аталган китептер башталгыч класстардын окуучулары кызыктуу жана сапаттуу окуу материалдары менен камсыз болуу үчүн өлкө боюнча 900 мектепке таратылды. Булар кыргызстандык авторлордун жана сүрөтчүлөрдүн жардамы аркасында иштелип чыкты.

• Бул, чындыгында эле, баса белгилей кетчү нерсе. Ошентип,

Кыргызстанда жасалган жана басылган китептер эми Кыргыз балдардын колунда, – деди USAIDдин Кыргызстандагы Өкүлүнүн милдетин аткаруучусу Алдер Бартлет. 

Аталган долбоордун дагы бир башкы максаты – мугалимдерге окутуунун жаңы усулдарын үйрөтүү жана жалпы окуу маданиятын илгерилетүү аркылуу 1-4-класстын окуучуларынын окуу көндүмдөрүн өркүндөтүү эле.

• Биз тогуз миң мугалимди жана башка билим берүү кызматкерлерин

китеп окууну үйрөтүү жана алдыңкы дүйнөлүк тажрыйбалар боюнча тренингдерди дагы өткөрдүк. Аларда өлкөнүн 200 миңден ашуун окуучусунун окуу көндүмдөрүн өркүндөтүүгө жардам берүүчү куралдары бар, – деп кошумчалады USAIDдин Кыргызстандагы Өкүлүнүн милдетин аткаруучусу Алдер Бартлет. 

«Келгиле, окуйбуз!» долбоорунун колдоосу аркасында мугалимдер өз сабагында аңгемелерди, оюндарды жана кол өнөрчүлүктү колдонуп, окутуунун интерактивдүү ыкмаларын тегиз колдонууну дагы үйрөнүштү. Мугалимдерге тиешелүү колдонмолор, постерлер жана башка кошумча материалдар берилди. Окуудан ийгиликтүү өткөн мугалимдер Кыргыз Республикасынын Билим берүү жана илим министрлигинин квалификациясын жогорулатуу боюнча мамлекеттик сертификаттарына дагы ээ болушту.

• Аталган долбоор 900 мектеп китепканасында 217 аталыштагы

классификацияланган адабият базасын түзүп, башталгыч класстарда окууну окутуунун сапатын жогорулатуу үчүн негиздерди гана түптөдү, – деди Кыргыз Респрубликасынын Билим берүү жана илим министрлигинин өкүлү Айнура Кусеинова.

USAIDдин «Келгиле, окуйбуз!» долбоору 2016-жылдан 2021-жылга чейин туруутуу иш алып барды. Башталгыч билим берүү тармагында USAID Кыргыз Республикасынын Билим берүү жана илим министрлиги менен кызматташууну дагыле улантууда. Жаңы «Окуу керемет!» демилгеси башталгыч класстын окуучуларынын окуу жана математикалык көндүмдөрүн өнүктүрүүгө багытталган. «Окуу керемет!» Кыргыз Республикасынын дээрлик бардык мамлекеттик мектептерин ичине камтыйт.

Алишер ТОКСОНБАЕВ “АЙМАК”