888 Бардыгы /

БАТКЕН. Баткендеги ак жоолукчандар кулинария, тигүүчүлүк, өз ишмердүүлүгүн социалдык тармактар аркылуу алдыга жылдыруу, товарды же кызматты жарнамалоо, айыл чарба продукцияларын чакан күнөсканаларда өндүрүү, аймакта өндүрүлгөн айыл чарба азыктарын рыноктун талабына ылайык  кургатууну, бизнес план түзүүнү  үйрөнүштү.

Окутуулардын жыйынтыгына ылайык  менен бизнес план түзгөн 8 аял, 400 долларлык грантка дагы ээ болушту. Өз бизнесин түптөөнү максат кылган кыз-келиндерге ишмердүүлүгүнө зарыл болгон жабдуулар ыйгарылды. Бул саамалык “Диалог, ишеним, укук” Коомдук Бирикмесинин “Баткен шаарында үй бүлөлүк зомбулуктун алдын алуу” долбоорунун алкагында жөзөгө ашырылды.

         Белгилей кетчү жагдай: “Баткен шаарында үй бүлөлүк зомбулуктун алдын алуу” долбоорунун алкагында аялдар зомбулукка кабылган жарандарга алгачкы психологиялык жардам көрсөтүү, стресстен өзүн алып чыгуу боюнча дагы окутуулардан өтүшкөн.

Алишер ТОКСОНБАЕВ “АЙМАК”