Аймак

АВАРИЯЛЫК АКЫБАЛДАГЫ СОЦИАЛДЫК ОБЬЕКТИЛЕРДИН АБАЛЫ КАТУУ КӨЗӨМӨЛГӨ АЛЫНДЫ

АВАРИЯЛЫК АКЫБАЛДАГЫ СОЦИАЛДЫК ОБЬЕКТИЛЕРДИН АБАЛЫ КАТУУ КӨЗӨМӨЛГӨ АЛЫНДЫ

 894 Бардыгы /

БАТКЕН. Буга чейин ЖМКларда жана социалдык тармактарда кеңири чагылдырылган Лейлек аймактык ооруканасынын психонаркология бөлүмүнүн жана Булак-Башы орто мектебинин ал-акыбалын Баткен облусунун жетекчилиги  жеке көзөмөлүнө алды.

Аталган имараттарды капиталдык ондоп-түзөөдөн өткөрүү, же кайра куруу боюнча Кыргыз Өкмөтүнүн Баткен облусундагы ыйгарым укуктуу Өкүлчүлүгү, Кыргыз Өкмөтүнүн капиталдык салымдар беренесине киргизүү, жакынкы жылдарда курулуучу капиталдык курулуштардын титулдук тизмесине кошуу боюнча сунушун даярдоодо. Кыргыз Өкмөтүнүн Баткен облусундагы ыйгарым укуктуу Өкүлчүлүгүнүн атайын тапшырмасына ылайык, бардык район-шаарлардын аймагындагы саламаттыкты сактоо, билим берүү жана башка бардык социалдык обьекттердин абалын тактоо, Кыргыз Өкмөтүнө баарын тең сунуштоо жана кошумча каржы булактарын табуу иш-чаралары күчөтүлдү.

Ушул тапта республикалык бюджеттин эсебинен Баткен облусунда он эки социалдык обьектинин капиталдык курулушу, дагы төрт обьекттинин капиталдык жактан оңдоп-түзөө жумуштары абдан кызуу жүрүп жатат.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17