741 Бардыгы /

Татарстанда бүгүн, 12-майда Казандагы мектептеги атышуунун курмандыктарын эскерүү күнү. Чабуулдан жалпысынын тогуз: жети бала, эки чоң киши өлгөн. Дагы 20 киши жаракат алган, алардын сегизинин абалы оор.

Кылмышка шектүү катары 19 жаштагы Казандын тургуну Ильназ Галявиев кармалганы белгилүү болду. Татарстандын тергөө комитети “Киши өлтүрүү” беренеси менен кылмыш ишин козгоду.

Буга чейин Татарстан бийлиги курман болгондордун үй-бүлөлөрүнө бир миллион рублдан, жабыркагандарга 200 миңден 400 миң рублга чейин жардам берилерин кабарлаган.

Казандагы жапырт киши өлтүрүүгө байланыштуу Мамдуманын спикери Вячеслав Володин Интернеттеги купуялуулукка тыюу салууну талкуулоо зарылдыгын билдирди. Ал курал-жарак алууга лицензия берүүнү да катаалдаштыруу керек экенин айтты. Мамдума тиешелүү мыйзам долбоорун кийинки жумада карайт.

Татарстандын балдардын укуктары боюнча атайын өкүлү Ирина Волынец Казандагы ок атышууну “мамлекеттик идеологиянын таптакыр жоктугу” деп атады.

11-майда эртең менен Татарстандын баш калаасы Казандагы №175 гимназияга куралчан адам кирип келип, ок аткан. Үрөй учурган окуя башталганда окуучулар имараттын терезелеринен эвакуацияланган.

WWW.