816 Бардыгы /

БАТКЕН. Ушул жылдын 28-30-апрель күндөрү Баткен облусунун Тажикстан менен чек арасында болуп өткөн чек ара чырынан жапа чегишкен үй-бүлөлөрдүн балдары үчүн Кыргыз Республикасынын Президентинин демилгеси жана колдоосу,  ошондой эле коомдук ишмер Ассоль Молдокматованын уюштуруусу астында  атайын көгүлтүп Ысык-Көлдө эс алуу уюштурулду.

Ошентип, Баткен облусунунчек аралаш аймактарынан барышкан 140 бала, 6 мугалим  10 күн бою Ысык-Көл облусунда каалагандай дем алышты.  Ушундан соң бул жеткинчектер Баткен облусундагы Кадамжай “Семетей” лицейинде дагы 15 күн бою эс алышат.  

Айтмакчы, баткендик балдарды Кыргыз Өкмөтүнүн Баткен облусундагы ыйгарым укуктуу Өкүлүнүн орун басары Абдирашит Ташбалтаев жана район-шаар башчылары Ысык-Көлгө узатышып, аларга көңүлдүү эс алуу тилешкен эле.  Ошентип, жеткинчектер Ош аэропорту аркылуу заматта Ысык-Көлдүн Тамчы аэропортуна конушуп, андан ары пансионаттарга бөлүштүрүлгөн.

Алишер ТОКСОНБАЕВ