1,266 Бардыгы /

  Жалал-Абад шаары боюнча Өзгөчө кырдаалдар бөлүмүнүн өрт өчүрүү жана алдын алуу бөлүмчөсүнүн улук офицери лейтенант И.Довотов:

 Азыркы учурда шаарыбыздын аймагында кылкандуу дан эгиндерин жыйноо жана тоют даярдоо иштерине даярдыктар көрүлүүдө. Андыктан ар кандай түшүм жыйноочу техникалардын ишке жарамдуусун, өрт жана техникалык коопсуздугуна жооп берерин текшерүү чарбалык субъектилердеги дан эгиндерин оруп-жыйноочу комбайндарды, данды тазалоочу агрегаттарды жана техникаларды мамлекеттик техникалык кароодон өткөрүү боюнча иш-чаралар жүрүгүзүлүүдө. 

         Бул техникалык кароодо техникаларды гана эмес, аны иштеткен адистердин да өрт коопсуздугу боюнча билимин текшерүү зарыл. Техникалык кароодон өтпөгөн жана өрт коопсуздугуна жооп бербеген техниканы эгин талаасына алып кирүүгө тыюу салынат.

         Түшүм жыйноодо өрт кырсыктарынан алыс болуш үчүн ар бирибиз төмөнкү өрт коопсуздугунун эрежелерин сактообуз зарыл:

• тоют даярдоодо жана эгин талаасында тамеки тартпоо;
• ар кандай от менен байланышкан нерселерди колдонууну катуу                 көзөмөлгө алуу;
• тоютту ташуу убагында техниканы жалын өчүрүүчү тетик менен камсыз кылуу;
• ар бир комбайнды 80 литр суу, кийиз, огнетушител, жана шыпыргы менен камсыз кылуу;
• комбайнды күнүгө 3 жолу тазалоо;
• ширетүүчү (сварка) иштерди өзүнчө аянтта жасоо керек.

         Жогорудагы талаптарды аткаруу менен шаарыбыздын аймагында кылкандуу дан эгиндерин жыйноо жана тоют даярдоо учурунда өрт кырсыктарын болтурбай, алдын алууга болоорун эскертебиз. 

WWW.