933 Бардыгы /

ОШ. Ош шаарында санитардык-эпидемиологиялык кырдаалга байланыштуу үстүбүздөгү жылдын 1-июлуна дейре маданий-массалык иш-чаралар токтотулат. Бул жөнүндө Ош шаарынын мэри Таалайбек Сарыбашов билдирди.

Маалыматка караганда, мындан тышкары, бир катар чектөөлөр дагы киргизилди:

1. Коомдук транспорттордо:

-коомдук транспорттордо жүргүнчүлөргө толтурбоо зарылчылыгы жана бет кап кийүү милдеттендирилет;

– санитайзерлер коюлушу шарт;

– аралыктын сакталышы;

– маршруттук каттамдардын айдоочуларында патенттин сөссүз болушу.

Ошондой эле коомдук жайлар жана муниципалдык аймактык башкармалыктарда түшүндүрүү иштери күчөтүлөт. Учурдагы кырдаалга байланыштуу кошумча үч мобилдик топ кызмат кылат. Базарлар жумасына бир жолу жабылып, тийиштүү кызматтар тарабынан залалсыздандыруу иштери жүрөт.

Тойканалардын, ресторан-кафелердин сыйымдүулугу 50 пайыздан ашпашы керек. Той-маарекелер кырдаалга байланыштуу 1-июлга чейин сөзсүз токтотулушу мүмкүн. Ушул тапта Ош шаарындагы №52-жана №18- мектептерде күндүзгү стационарлар ачылды. Эгерде кырдаал курчуса, кошумча күнү-түнү иштеген стационарлар ачылат, бул боюнча тийиштүү иштер жүрүп жатат. Медицина кызматкерлер үчүн “Умму Мухаммед” медресесинде жана Оштогу Ислам колледжинде обсервация даярдалган.

Алишер ТОКСОНБАЕВ, өз кабарчы