1,341 Бардыгы /

Түркмөнстандын Лебап облусунда жашоочулар газга болгон карызы үчүн азык-түлүк сатып алуу укугунан чектелди. Бийлик аларга көгүлтүр отун берүүнү токтотуп, мүлкүн конфискациялап алабыз деп коркутууда.

“Азаттыктын” түркмөн кызматы билдиргендей, газга карыз миңдеген кишилер жеңилдетилген баада ун, май жана шекер сатып ала албай калат.

Көгүлтүр отун үчүн көбүнчө аз камсыз үй-бүлөлөр жана майыптыгы бар адамдар карыз.

Бул арада өлкөдө азык-түлүк кымбаттап, мамлекеттик норма кыскарууда.

Маселен, январда ундун бир киши үчүн бир айлык нормасы беш килограммга чейин кыскарган.

Түркмөнстан аныкталган газ запасы боюнча дүйнөдө төртүнчү, газ кендеринин көлөмү боюнча экинчи орунда турат. Табигый жаратылыш ресурстарына бай болгону менен бир нече жылдан бери өлкө экономикасы каатчылыкка кептелип, азык-түлүк тартыш.

WWW.