1,002 Бардыгы /

Тблисиде секс-азчылыктардын укуктарын коргоо үчүн ЛГБТ-коомчулугу пландап жаткан жүрүшкө каршы болгон адамдар топтолууда.

Жүрүштүн уюштуруучулары бүгүн жергиликтүү убакыт боюнча кечки саат беште Руставели проспектисине акцияга чыгуу ниетин билдиришкен. Жергиликтүү басылмалардын маалыматына караганда, жүрүшкө каршы болгон ондогон киши ЛГБТ-жүрүшүнүн уюштуруучулары отурган бейөкмөт уюмдун кеңсесинин алдына барышты. Полиция алардын имараттын ичине кирүүсүнө жол берген жок.

5-июлда парламент имаратынын алдындагы аянтта ЛГБТ-жүрүшүнө каршы адамдар бир нече журналист менен операторго кол салышты. Алар олуттуу жаракаттарды алышкан жок. Кол салгандар “Грузияда журналисттер ЛГБТ-коомчулугунун идеяларын пропагандалап жатышканын” айтышты.

Өлкөнүн премьер-министри Ираклий Гарибашивили баш калаанын борборунда ЛГБТ жүрүшүн өткөрүүнү пайдасыз деп атаган. Анын айтымында, акция жарандык каршылашууга алып келиши мүмкүн.

“Бул – Грузия, биздин өзүбүздүн каада-салтыбыз, тартиптерибиз бар. Өлкө калкынын көбү мындай акцияларды өткөрүүгө каршы, бирок бардык жарандардын конституциялык укуктары корголот”, – деген премьер-министр.

WWW.