1,299 Бардыгы /

ОШ. Ош облусуна караштуу Араван, Ноокат жана Кара-Суу райондорунун тургундарынан Жогорку Кеңештин депутаты Шайлообек Атазовго атайын Кайрылуу жолдошту.

          Кайрылуу ээлеринин айтмында, 2017-жылы түзүлгөн Ууу-Таш ЖЧКсынын мүчөлөрүнүн арасында он алты пайызы үлүшү бар  Шабданбек Алымбаев каза тапкан. Маркумга таандык үлүшүн дагы бир акционер Салтанат Маматова анын кол тамгасын өзү жасалмалап – тууралап, өзүнө өткөрүп алган. Бул боюнча кылмыш иши козголуп, ушул тапта сот жаряны жүрүп жаткан чагы. Ушул тапта Уу-Таш ЖЧКсынын акционерлеринин арасында сот жараяны жүрүп жаткан убакта «Биз УКМКнын төрагасы Камчыбек Кыдыршаевичтин жакын туугандарыбыз» деп Жалал-Абад шаарынын тургундары Айбек Жамашев жана мурда үч ирет соттолгон Болот Дубанаев кайдан-жайдан пайда болушуп, Уу-Таш ЖЧКсынын лицензиясын Мамлекеттик геология комитети аркылуу «Ысмайыл-Таш» аттуу фирмага мыйзамсыз каттатып коюшкан. Уу-Таш ЖЧКсынын акционерлери Адилет Джунушалиев 33 пайыз, Максат Макситов 17 пайыз, ШабданАлимбаев 16 пайыз үлүшкө ээлик кылышат.

Мындан тышкары Салтанат Маматова 34 пайызы үлүшү менен Айбек Жамашев жана Болот Дубанаевдин жардамы аркасында Уу-Таш ЖЧКсынын лицензиясын «Ысмайыл-Таш» аттуу фирмага каттатканы аз келгенсип, бүгүнкү күндө жогорку кызматтагы аткаминерлер аркылуу ишти карап жаткан сотторго ар тараптан кысымчылык көрсөтүп келатышат. Маркум Шабданбек Алимбаевдин артында беш баласы жетим калды. Бала-чакасынын үстүндө үйү жок. Азыр деле сарайда жашап жатышат. Ал эми Максат Макситовдун дагы алты баласы бар. Анын дагы башкалкалай турган үйү жок. Атасынан калган эски тамда жансактайт.

«Урматтуу Шайлообек Атазович! Биз Сиздин мекенчилдигиңизге жана адам тагдырына жан күйгүзүп мамиле жасаганыңызга терең ишенебиз! Ошондуктан, биздин маселебиздин чукул арада оң жагына биржаңсыл чечилишине көмөктөшөсүз деген терең ишеничтебиз!» – дешет Араван районунун Керме-Тоо Айыл Өкмөтүнүн Кара-Суу районунун Папан Айыл Өкмөтүнүн, Ноокат районунун Зулпуев атындагы Айыл Өкмөтүнүн тургундары.

Баса, Ош облусундагы Араван, Ноокат жана Кара-Суу райондорунун тургундарынын Жогорку Кеңештин депутаты Шайлообек Атазовго атайын Кайрылуусуна Кыргыз Парламентинин мүчөсү азырынча үн ката элек…

Алишер ТОКСОНБАЕВ, өз кабарчы