1,401 Бардыгы /

ОШ. Ош облустук ички иштер башкармалыгына А. М. Аттуу Кыргыз жараны кайрылган. Анткени, аны Кара-Суу районундагы көчөлөрдүн биринде белгисиз жигит токтотуп, анан дагы күч колдонуп, «Самсунг» үлгүсүндөгү чөнтөк телефонун жана 119 миң 800 сомун коркутуп тартып алган.

Ички иштер министрлигинин Криминалдык милиция кызматынын Түштүк аймактык башкармалыгынын кызматкерлери кылмышкердин сары изине дароо түшүп, аны алыска узатпастан эле кармашты. Бул жорук дароо катталып, Кыргыз Республикасынын Кылмыш Кодексинин 201- беренесинин негизинде кылмыш иши козголуп, сотко чейинки териштирүү башталды.

Баса, кармалган кылмышкер 39 жаштагы Ош шаарынын тургуну О. Э. экен. Ал мурун дагы Орусиянын аймагында оор кылмыш жасап. Ушул тапта издөөдө жүрүптүр. “Ууру узабайт” деген ушул.

Алишер ТОКСОНБАЕВ, өз кабарчы