930 Бардыгы /

КЫРГЫЗСТАНДАН ТАЖИКСТАНГА КУРГАТЫЛГАН ТАМЕКИНИ МЫЙЗАМСЫЗ АЛЫП ӨТҮҮГӨ АРАКЕТ КЫЛГАН ЖАРАН КАРМАЛДЫ

БАТКЕН. Баткен районунун Ганжак аймагында чек арадан аткезчилик жол менен ташылып бараткан жүк кармалды.

УКМКнын Чек ара кызматынын басма сөз кызматынын маалыматына караганда, чек арачылардын токтотуу талабына карабастан, КИА үлгүсүндөгү портердин айдоочусу чек арага карай жолун уланткан. Аргасы куругунда Чек арачы асманга эскертүү иретинде ок аткан. Ошондо гана айдоочу автоунаасын араң токтоткон.

Кармалган жаран 31 жаштагы О.Т.у. Кыргызстандан Тажикстанга 1,5 миң кило кургатылган тамекини алып өтүүгө аракеттенген. Тиешелүү документтер толтурулгандан кийин кармалган адам жана жүк кошумча иликтөө үчүн компетенттүү органдардын кызматкерлерине өткөрүлүп берилди.

Алишер ТОКСОНБАЕВ, өз кабарчы