1,534 Бардыгы /

          БАТКЕН. Кызыл-Кыя шаарында сойкукана иштеткен аял акыры кармалды. Бул жөнүндө редакциябызга Баткен облустук милициясынан билдиришти.

Кызыл-Кыя шаардык ички иштер башкармалыгынын Криминалдык милиция кызматынын өкүлдөрү алдын ала түшкөн маалыматтын негизинде Кызыл-Кыя шаарындагы өзү жашаган эле үйдүн мончосуна сойкулук менен алектенүү үчүн көмүскө жайларды уюштурган Кызыл-Кыя шаарынын 33 жаштагы тургунун кармашты. Бул аялдын турак жайын текшерген маалда анда жансакташкан Ош жана Кызыл-Кыя шаарынын беш тургуну сойкулук менен алектенишкендиги аныкталып, дароо кармалды.

Ошентип, аталган факты Кызыл-Кыя ШИИБнин КЖБРне КР Жазык Кодексинин 167-беренесинин («Сойкулукка жана ыпластыкка көмөктөшүү») негизинде сотко чейинки өндүрүш иши башталды. Ал эми Кызыл-Кыя шаарынын 33 жаштагы тургуну убактылуу кармоочу жайга киргизилип, тергөө иштери уланууда.

Алишер ТОКСОНБАЕВ, өз кабарчы