1,362 Бардыгы /

БИШКЕК. Кыргыз Республикасынын Ички иштер министрлиги жана анын Аймактык ички иштер органдары күн сайын социалдык тармактардагы жана мессенджерлердеги материалдарды үзгүлтүксүз көзөмөлдөп жатышат.

ИИМдин басма сөз кызматынан билдиришкендей,  кастыкты же улуттар аралык араздашууну козутууга жана расасы, улуту, тили, этносу боюнча адамдардын ар-намысын кемсинтүүгө багытталган маалыматтар аныкталган маалда дароо мыйзам чегинде тиешелүү катаал чаралар көрүлөт.

• Аймактар ортосундагы (улуттар ортосундагы) кастыкты козутуу

белгилерин камтыган материалдарды даярдоо жана жайылтуу менен жарандар Кыргыз Республикасынын Жазык кодексинин 313-беренесине (расалык, этникалык, улуттук, диний же региондор ортосундагы кастыкты (араздашууну) козутуу) ылайык кылмыш жоопкерчилигине тартыла тургандыгын эскертеби!, – деди Кыргыз Республикасынын Ички иштер министрлигинин Өкүлү.

Андыктан, Ички иштер министрлиги жарандарды социалдык тармактар жана Интернет аркылуу чагымчыл маалыматтарды таптакыр эле таратпоого чакырат. Ушундай фактылар боюнча ички иштер органдарына 102 кызматы аркылуу маалымдоону дагы сунуштайт. Кыргыз Республикасынын Мыйзамын билбегендик жарандарды кылмыш жоопкерчилигинен эч бошотпойт.

Алишер ТОКСОНБАЕВ, өз кабарчы