1,983 Бардыгы /

ОШ. Быйыл Ош шаарында электрондук кезек аркылуу 1-класска 7369 окуучу кабыл алынды. Бул жөнүндө Ош шаардык билим берүү башкармалыгынын жетекчиси Санталат Аматова билдирди.

• Кыргызстандын Түштүк башкалаасында жалпы жонунан 81 билим

берүүчү мектеп иштейт. Булардын арасынан 55 мамлекеттик жана 26 жеке менчик мектеп бар. Мындан тышкары шаар боюнча агартуу мекемелеринде 3 277 мугалим эмгектенишет, – деп кошумчалады Ош шаардык билим берүү башкармалыгынын жетекчиси Санталат Аматова.

Ошентип, 2021-2022-окуу жылынын 15-сентябрына карата электрондук кезек аркылуу 1-класстарга 7369 окуучу кабыл алынды. Мамлекеттик жана жеке менчик мектептерге кабыл алынган окуучулардын так саны 2021-жылдын 20-сентябрына чейин гана биротоло аныкталат. Ал эми шаар боюнча 3 277 мугалим 77 832 окуучуга тарбия-таалим берип жатышат. Мамлекеттик мектептерге тартылган окуучулардын саны – 72 250, жеке менчик мектептердеги окуучулардын саны – 5 582.

Алишер ТОКСОНБАЕВ, өз кабарчы