876 Бардыгы /

БАТКЕН. Баткенде Кыргыз чекарачылары аткезчилик жол менен ташылып бараткан жүктөрдү байкап калып, дароо кармашты. Булардын жалпы наркы азырынча 300 миң сом деп эсептелүүдө.

Кыргыз чекарачылары Баткен районунун Чоң-Талаа кыштагын күзөтүп жүрүшүп, шектүү, 1985-жылы туулган Кыргыз жараны А. С. ны кармашты. Ал коңшу Тажикстандан Кыргызстанга жети кап эл керектөөчү товарды мыйзамсыз жолдор аркылуу алып өтүүгө далбаса жасаган. Алдын ала эсептөөлөргө караганда, аткезчилик жүгүнүн жалпы наркы 300 миң сом деп бааланууда.

Ошентип, атайын документтер толтурулгандан кийин, кармалган жаран жүктөрү менен кошо жергиликтүү укук коргоо органдарына тапшырылды. Баса, мындай мыйзамсыз жоруктар Баткен жергесинде күн кур эмес катталууда. Бирок, мунун биринин дагы жыйынтыгы элге эмдигиче шардана кылына элек…

Алишер ТОКСОНБАЕВ, өз кабарчы