831 Бардыгы /

БИШКЕК. «Бүтүн Кыргызстан» эч ким менен кошулбайт. А түгүл Коммунисттер партиясы менен дагы шайлоого бирге барбайт! Мындай позициясын «Бүтүн Кыргызстан» партиясынын жолбашчысы Адахан Мадумаров ачыктады.

• Жогорку Кеңештин мурунку депутаты, Кыргызстан коммунисттери

партиясынын жолбашчысы Исхак Масалиев алдыдагы парламенттик шайлоого  биздин партиябыздын тизмесинде гана ат салышат. А бул эки партия бирикти дегенди туюндурбайт! – деди «Бүтүн Кыргызстан» партиясынын жолбашчысы Адахан Мадумаров. – Биздин тизме партиябыздын Саясий Кеңешинде каралып, бекитилди. Анткени, биздин саясий уюм кыргызстандыктардын бүгүнкү көйгөйүн дайыма ачык айтып, элдин трибунасына айланган.

Саясий ишмер Адахан Мадумаров эгерде Жогорку Кеңештин шайлоосу таза жүрсө, «Бүтүн Кыргызстан» парламентке сөзсүз келээрин дагы жашырган жок.

Алишер ТОКСОНБАЕВ, өз кабарчы