957 Бардыгы /

БАТКЕН. Баткен районунда аткезчилик жол менен ташылып бараткан 450 миң сомдук жүзүм кармалды. Бул операцияны Баткен Чек ара отрядынын жоокерлери жүзөгө ашырышты.

УКМКнын Чек ара кызматынан билдиришкендей, Кыргыз чек арачылары Баткен районундагы Жут тилкесин кылдат кайтарып жүрүшүп,  өтө шектүү Mercedes-Benz Sprinter үлгүсүндөгү эки жана Volkswagen Crafter үлгүсүндөгү жалгыз автомашинаны байкап калышып, дароо токтотушкан. Анан аларды дыкаат текшеришкенде, үч машинанын ичинен алты тонна жүзүм табылды. Айдоочулар булардын баарын тең Тажикстандан Кыргызстанга өткөрүп, абдан кымбат соодалоону көздөшкөн экен.

Тиешелүү документтер толтурулгандан кийин, айдоочулар жүктөрү менен кошо жергиликтүү укук коргоо органдарына өткөрүлүп берилди. Соңку кезде мындай фактылар көп кайталанууда. Тилекке каршы, жыйынтыгы калкка ачыкталбай келатат…

Алишер ТОКСОНБАЕВ, өз кабарчы