2,370 Бардыгы /

          ОШ. Журналист Маратбек Акимбеков мындан ары «ОшТВ» телекомпаниясын жетектейт. Аны директорлукка дайындаган тиешелүү буйрукка Мамлекеттик мүлктү башкаруу фондунун төрагасы кол койду. Жаңы жетекчи аталган телеканалдын эмгек жамаатына Мамлекеттик мүлктү башкаруу Фондунун Оштогу Өкүлчүлүгү тарабынан тааныштырылды.

Маратбек Акимбеков 30 жашта. ОшМУнун Кыргыз филологиясы жана журналистика факультетин аяктаган. Эмгек жолун «ОшТВ» телеканалында катардагы кабарчы катарында баштаган. Ошондой эле «7-канал», «Ош-Пирим», «Ынтымак», ТМG телеканалдарында дагы үзүрлүү эмгектенген. Акыркы жолу «Азаттык» үналгысынын Оштогу кабарчысы болуп иштеп жаткан эле.

Белгилей кетчү жагдай: «ОшТВ» телеканалын буга чейин Керимбек Калыкулов жетектеп келаткан.

Алишер ТОКСОНБАЕВ, өз кабарчы