4,458 Бардыгы /

ЖАЛАЛ-АБАД. Чаткал райондук ички иштер бөлүмү тарабынан мектеп окуучуларынын ынтымагын бекемдөө максатында волейбол оюну уштурулду. Бул тууралуу Жалал-Абад ОИИБдин басма сөз кызматы маалымдады.

Маалыматка ылайык, Чаткал райондук ички иштер бөлүмү тарабынан«Кылмыштуулуктун арты жаза», «Зордук-зомбулукка жол жок» аталышындагы ураандын астында өткөрүлгөн иш-чарага Каныш-Кыя жана Чаткал айыл өкмөттөрүнөн 9-11-класстардын окуучулары катышышты. Жалпы 12 мектептен 17 команда чакырылып, жеңүүчүлөргө Чаткал РИИБдин жетекчилиги тарабынан диплом, ардак грамота жана акчалай сыйлыктар тапшырылды.

Спорттук иш-чаранын жүрүшүндө милиция кызматкерлери өспүрүмдөрдү дени сак жашоо образын түптөөгө чакырышты. Кылмыштуулуктан жана ар түрдүү кырсыктардан алыс болуу керектигин эскертишип, мыкты билим алууга үндөштү.