2,334 Бардыгы /

          ОШ. Швеция өлкөсүнөн уурдалган эң кымбат унаа Ош шаарынан табылды. Бул тууралуу Ош шаардык ички иштер башкармалыгынын маалымат катчысы Замир Сыдыков билдирди.

          Маалыматка караганда, Швеция мамлекетинен 2020-жылдын 27-июлунда Pick-UP Mercedes-Benz X-250 D4 matic үлгүсүндөгү унаа уурдалганы боюнча Интерполдун кабарламасы Кыргызстандын Ички иштер министрлигине түшкөн. Дал ушунун негизинде издөө салынып жаткан. Кайгуул кызматы изделип жаткан унааны Ош шаарынын Төлөгөн Касымбеков көчөсүндөгү автобекеттин тушунан көрүп калып токтотушуп, Ош шаардык ички иштер башкармалыгына караштуу айып короого алып келишкен.

Ошентип, атайын териштирүү жана тергөө учурунда унаанын азыркы ээси аны интернет аркылуу 29 миң долларга Литвадан сатып алгандыгын өзү моюндады.  

Алишер ТОКСОНБАЕВ, өз кабарчы