Аймак
ЖАРЫЯ-ЖАРНАК / РЕКЛАМА
ticket title
КАРА-ДАРЫЯ АЙЫЛДЫК КЕҢЕШИНИН ТОКТОМУ
НООКЕН РАЙОНУНУН САКАЛДЫ АЙЫЛДЫК КЕҢЕШИНИН ТОКТОМДОРУ
СУЗАК РАЙОНУНУН КАРА-ДАРЫЯ АЙЫЛДЫК КЕҢЕШИНИН ТОКТОМДОРУ
Жалал-Абад ОИИБи бош кызмат орундарына СЫНАК жарыялайт
НООКЕН РАЙОНДУК ДОСТУК АЙЫЛ ӨКМӨТҮНУН ТОКТОМДОРУ
КАРА-ДАРЫЯ АЙЫЛДЫК КЕНЕШИНИН ТОКТОМДОРУ
Сынак Сайдыкум айыл өкмөтү
Судебный департамент объявляет конкурс
КУЛАКТАНДЫРУУ (Мугалимдер керек)
КАРА-ДАРЫЯ АЙЫЛДЫК КЕҢЕШИНИН ТОКТОМУ
СООДА-САТЫК
Таш-Булак айыл өкмөтү СЫНАК ЖАРЫЯЛАЙТ
Кызыл-Үнкүр айыл өкмөтү СЫНАК ЖАРЫЯЛАЙТ
Кеңеш айыл аймагынын өкмөтү СЫНАК ЖАРЫЯЛАЙТ
Бешик-Жон айыл өкмөтү СЫНАК ЖАРЫЯЛАЙТ
Ноокен районунун Сакалды айыл өкмөтү СЫНАК ЖАРЫЯЛАЙТ
Базар-Коргон районунун Сайдыкум айыл өкмөтү СЫНАК ЖАРЫЯЛАЙТ
Ноокен районунун Масы айыл өкмөтүнүн СЫНАК ЖАРЫЯЛАЙТ
Жалал-Абад шаарынын мэриясы СЫНАК ЖАРЫЯЛАЙТ

ТОКАЕВ КАЗАКСТАНДЫН ҮЧ АЙМАГЫНДАГЫ ӨЗГӨЧӨ АБАЛ РЕЖИМИН ТОКТОТТУ

ТОКАЕВ КАЗАКСТАНДЫН ҮЧ АЙМАГЫНДАГЫ ӨЗГӨЧӨ АБАЛ РЕЖИМИН ТОКТОТТУ

 6 Бардыгы /

Казакстандын президенти Касым-Жомарт Токаев өлкөнүн үч аймагындагы — Павлодар, Батыш Казакстан жана Түндүк Казакстан облустарындагы өзгөчө абал режимин токтотту.

Мамлекет башчынын шаршемби күнү жарыяланган жарлыгына ылайык, аталган аймактардагы өзгөчө абал режими 13-январь күнү таңкы саат 7де токтойт.

Токаев 4-январда өлкөдөгү жапырт нааразылык акциялар жана башаламандыктардын фонунда алгач Мангистау облусу менен Алматы шаарына, андан соң Казакстандын бардык аймагына 19-январга чейин өзгөчө абал режимин киргизген.

12-январда казак басылмалары талап-тоноого жана кагылышууларга шектелип дагы 1700 киши кармалганын кабарлашты. Муну менен өлкө боюнча кармалгандардын жалпы саны болжол менен 10 миң кишиден ашты.

11-январда Бириккен Улуттар Уюмунун (БУУ) укук коргоочулары Казакстандын жетекчилигин “акцияга чыккандарга карата күч колдонууну” токтотууга чакырышкан.

Токаевдин айтымында, негизги бөлүгүн Орусиянын аскерлери түзгөн Жамааттык коопсуздук келишим уюмунун (ЖККУ) күчтөрү өлкөдөн 13-январдан тартып чыгарыла баштайт. Ал Казакстанга келген ЖККУ аскерлеринин саны 2 миңден ашык болгонун айтып, алар “өлкөдөгү абалды турукташтырууда негизги ролду ойношконун” белгиледи.

Буга чейин ЖККУнун баш катчысы Владимир Зайнетдинов уюмдун аскерлери Казакстандан он күндүн ичинде чыгып кете турганын билдирген.

Токаев Казакстандагы толкундоолор менен башаламандыктарды мамлекеттик төңкөрүш жасоо аракети деп атаган. Ал бул окуялардын артында “чет өлкөлүк террорчулар” турарын билдирип, бирок кеп кайсыл өлкөлөр жөнүндө болуп жатканын так айткан эмес.

WWW.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17