1,908 Бардыгы /

БАТКЕН. Айдаркен чек ара отрядынын чек арачылары мамлекеттик чек арадан сейрек кездешүүчү жаныбарлардын мыйзамсыз алынып өтүшүнө акыры бөгөт коюшту.

Айдаркен чек ара отрядынын чек арачыларыБаткен облусунун Кадамжай районунун Жаңы-Жер жергесинде чек ара кезмети мамлекеттик чек ара сызыгынын жанынан Кыргыз Республикасынын 1972-жылы туулган  Т.Н.   жаранына тиешелүү  Тойота-Превия   автоунаасын кармашты. Аны тинтүү маалында чек ара кезмети беш баш асыл маралды табышты. Аиалган баалуу жаныбарлардын жашы бир жаштан төрт жашка чейин экен. Мындан тышкары төрт жаныбардын мүйүздөрү негедир жулунуптур.

Жагдайды так аныктоо максатында унаанын айдоочусу жана анын жүргүнчүсү – Өзбекстандын жараны жеринде кармалышты. Сурамжылоо учурунда алар жаныбарларды Өзбекстанга өткөрө тургандыктары аныкталды. Бирок, айдоочунун жанында маралдарга тиешелүү эч кандай документ болгон эмес. Ушул тапта беш баш маралдын чыныгы баасы канча тураары такташтырылууда.

Тиешелүү документтер толтурулган соң, кармалагандар жана жаныбарлар андан аркы териштирүү иштердин жүргүзүү максатында компетенттүү укук коргоо органдардын кызматкерлерине өткөрүлүп берилди. 

Алишер ТОКСОНБАЕВ, өз кабарчы