3 Бардыгы /

Достук – Араван районундагы гана эмес жалпы эле Кыргызстандагы эң чоң жана дагы бай айыл өкмөтү. Бирок, бул аймакта электр тармагы абат эмес! Бул чындыкты аталган Айыл Өкмөтүнүн башчысы Мамыржан КАДЫРОВ дагы ачык эле моюндады.

– Достук айыл өкмөтүнө караштуу айылдардагы электр мамыларынын жана чубалгыларынын бүт эскилдиги жеткен. Мындайча айтканда, пайдаланууга таптакыр эле жараксыз! – деп чырылдады Араван районундагы Достук айыл өкмөтүнүн башчысы Мамыржан КАДЫРОВ. – Былтыр жыл бою 500 миң сом сарптап, булардын баарын тең чекесинен жаңыладык.

Ал эми соңку кезде Араван жана Төлөйкөн айылдарына заманбап КТН – 250кВт трансорматорлору орнотулду. Ушуга улай электр мамылары жана чубалгылары дагы бүтүндөй жаңыланды. Муну үчүн айыл өкмөттүн бюджетинен 4 миллион 852 миң сом ажыратылды.

Алишер ТОКСОНБАЕВ, өз кабарчы