745 Бардыгы /

Ташкенттеги «International Experience» иш менен камсыздоо агенттиги кашкадарыялык эки тургундун ар биринен 4 миң АКШ доллар алып, Чехияда жумушка ороноштуруу убадасын аткарган эмес.

Ориф Рустамов «International Experience» агенттигине быйыл апрелде кайрылган. Келишим боюнча аны үч ай аралыгында Чехияга жөнөтүшмөк.

– Келишимди 26-апрелде түзгөнбүз. Мен туугандарыман жана досторуман карызга акча алгам. 3-майда жээним Шерзод Аликулов менен агенттикте барып, ар бирибиз 4 миң доллардан төлөдүк. Агенттиктин директору Ойбарчин Кимсанова үч ай ичинде Чехияга жөнөтүүгө убада берген. Бирок сегиз ай өттү, же иш, же акча жок.

Ал «International Experience» агенттигине алданып калган кишилер көп экенин, акыркы жолу жаңжал чыгып, милиция чакырылганын билдирди.

«International Experience» агенттигинин директору Ойбарчин Кимсанова Ориф Рустамов менен Шерзод Аликуловдон акча алганын тастыктап, бирок Ташкенттеги Чехия элчилигинен виза алууда көйгөй жаралганын билдирди. Ал документтерди жол-жоболоштурууда көп каражат жумшалганын, буга байланышуу акчанын бир бөлүгүн гана кайтарып берерин айтты.

– Баары чех тараптан көз каранды. Эгер алар сумманын жарымын кайтарса, мен да кардарларга акчанын жарымын төлөп берем. Алдын ала убада бере албайм, – деди ал.

Акыркы убакта Өзбекстанда иш менен камсыздоо агенттиктерине алданып калган жарандардын саны көбөйүүдө.

Буга чейин «Human» иш менен камсыздоо агенттигинин директоруна каршы «Өзгөчө ири өлчөмдөгү алдамчылык» беренеси боюнча кылмыш иши козголгон.

 www.