2,703 Бардыгы /

ЖАЛАЛ-АБАД. 26-майында К.Ш. Токтомаматов атындагы Эл аралык университетте (ЭАУ, Жалал-Абад) окуу жайдын 30 жылдыгына жана анын негиздөөчүсү, э.и.д., профессор, РМА академиги К.Ш. Токтомаматовдун 75 жылдыгына арналган “Илим менен билимдин ааламдашуусу жана интернационалдашуусу” аттуу эл аралык илимий-практиткалык конференция “IV Токтомаматов окуулары” илимий иш-чарасынын алкагында өткөрүлдү.

ЭАУнун кесиптик багыт берүү ж/а коомчулук менен байланыштар кызматы

билдиргендей, салтанаттуу башталышында конференциянын меймандарына жана катышуучуларына ЭАУнун ректору э.и.д., профессор А.К. Кантөрөева, КР Президентинин Жалал-Абад областындагы ыйгарым укуктуу өкүлү А.Т. Сыргабаев жана КР Жогорку Кеңешинин депутаты А.Т. Маткеримов салам жолдоолору менен кайрылышты. Ошол эле салтанаттуу бөлүгүнүн башында университеттин ачылышына жана түптөлүшүнө жеке зор салымын кошкон Кыргыз Республикасынын мурунку биринчи вице-премьер-министри, Жалал-Абад областынын губернатору Абдыжапар Тагаевге, Кыргыз кооперативдер биримдигинин мурунку төрагалары Мамат Орозбаевге жана Тургунбай Анаркуловго ЭАУнун “Ардактуу профессору” окумуштуулук наамы берилди. Конференциянын ишине чет өлкөлүк (Түркия, Россия, АКШ, Жапония, Казакстан, Өзбекстан, Польша жана Азербайжан) жана республикабыздын жогорку окуу жайларынан, илимий институттарынан, бир катар уюм-мекемелерден, ар кандай тармактардан 250 илимпоз, адис жана өкүлдөр катышышты. Секциялык отурумдар педагогикалык, гуманитардык, экономикалык, табигый илимдер, техникалык жана медициналык багыттар боюнча 10 секцияда жүргүзүлдү. Конференциянын жүрүшүндө тема боюнча учур көйгөйлөрү каралып, илим менен билимдин ааламдашуусу жана интернационалдашуусу багытында учурда жана келечекте чечилүүчү маселелер боюнча иштиктүү сунуштар берилди. Аталган конференциянын материалдары “К.Ш. Токтомаматов атындагы Эл аралык университеттин жарчысы”  аттуу илимий-популярдык журналда басылып чыгат.