960 Бардыгы /

ЖАЛАЛ-АБАД. Бүгүн, 26-апрелде Жалал-Абад шаарындагы “Барса” футбол академиясынын стадионунда 1500 окуучу “Урааным Манас” аталышындагы “Манас” айттуу боюнча республикалык кароо-сынагынын алкагында “Манас” айтышты.

Жалал-Абад шаардык мэриясынын маалымат борбору билдиргендей,

иш-чарага Жалал-Абад шаарынын мэринин орун басары Гүлбарчын Таштанбекова, Кыргыз улуттук “Манас” театрынын жетекчисинин орун басары Нурбек Талантбеков, шаардык билим берүү бөлүмүнүн башчысы Ырысбек Калчаев катышып, “Манас” айтып жаткан окуучуларга ийгилик каалашты.

Белгилей кетсек, сынак Кыргыз Республикасынын Президентинин “Кыргыз элинин баа жеткис руханий мурасы – “Манас” эпосунун үчилтигин (“Манас”, “Семетей”, “Сейтек” эпосторун) ар тараптан изилдөө жана популярдаштыруу боюнча кошумча чаралар жөнүндө” Жарлыгын аткаруу, улуттук маданий жана руханий дөөлөттөрдү сактап калуу максатында 20-апрелден 11-майга чейин республиканын бардык аймактарында өткөрүлөт.