1,017 Бардыгы /

        Кыргыз Улуттук Илимдер Академиясынын ачык мүчөсү, Чыңгыз Айтматов атындагы институттун директору Абдылдажан Акматалиев чоң сыйга татыды. Көрүнүктүү адабиятчыга “Ош шаарынын Ардактуу атуулу” төш белгиси жана күбөлүгү тапшырылды.

-Чындыгында, бул – мен үчүн чоң сыйлык! – деп

кубанычын жашырган жок Кыргыз Улуттук Илимдер Академиясынын ачык мүчөсү, Чыңгыз Айтматов атындагы институттун директору Абдылдажан Акматалиев. – Кыргыз адабияттын өнүктүрүүдөгү сиңирген эмгегимди баалап, ушундай урмат көрсөткөндүгүңүздөргө чоң ыракмат! Мындай колдоо мени дагы көшөрүп эмгектенүүгө гана шыктандырат.

        Баса, филология илимдеринин доктору, академик Абдылдаджан Акматалиев 68 жашта. 2013-2017-жылдарда Кыргыз Улуттук Илимдер Академиясынын  вице-президенти кызматын аркалаган. Кыргыз Республикасынын илимине эмгек сиңирген ишмер. Кыргыз фольклорун, “Манас” эпосун жана залкар жазуучу Чыңгыз Айтматовдун чыгармаларын кеңири иликтөөчү. Илим жаатындагы мамлекеттик сыйлыктын эки жолку лауреаты.

Алишер ТОКСОНБАЕВ, өз кабарчы