1,248 Бардыгы /

«Балажан» республикалык эстетикалык тарбия берүү окуу- усулдук борбору тарабынан уюштурулган «Ысык-Көл-балдардын көзү менен» аттуу балдардын коомдук бирикмелеринин лидерлеринин эл аралык слетун өткөрөт. Бул туурасында Ош облустук балдардын чыгармачылык борборунун жалпыга маалымдоо кызматынан билдиришти.

Маалыматка караганда, аталган иш- чара он жылдан бери эл аралык денгээлде Орусия, Беларусь, Казакстан, Өзбекстан жана башка өлкөлөрдөн лидер окуучулардын катышуусунда салтка айланып өткөрөлүп келатат. «Барчын» балдардын ден соолугун чыңдоочу борборундагы бул иш-чарага күнөстүү Кыргызстандын жети дубанынан дагы мектеп окуучулары катышышат. Арасында  Ош облустук «Манас жаштары» уюмунун лидер окуучулары дагы бар. Анда балдар каржылык сабаттуулук боюнча мастер класстарга, тренингдерге катышышат. Кызыктуу эксперттер жана бизнесмендер менен жолугушат. Түркүн кароо-сынактарга: анын ичинде окуучулардын «СТАРТАП долбоорлор сынагына» катышышат жана сертификаттарга, дипломдорго, байгелүү баалуу белектерге ээ болушат. Башка өлкөлөрдүн балдары менен достошот, сүрөткө түшүшүп, пикир алышышып көптөгөн кызыктарга күбө болушат.

Ошондой эле «Ысык-Көл досторун чакырат» Эл аралык этно — карнавалга Алай районунан 18 таланттуу окуучулар катышышат. Ысык-Көл облусунун Бозтери айылындагы «Аэропорт-Манас» пансионатында Ош облусунан беш окуучу «Көчмөндөр оюндары балдар ааламында» аттуу фестивалдын алкагында улуттук оюндардын түрлөрү боюнча сынак-мелдештерде, уюштуруучулар тарабынан көрсөтмө оюндарда жана сүрөт тартуу кол өнөрчүлүк боюнча дагы күч сынашат.

Алишер ТОКСОНБАЕВ, өз кабарчы