75 Бардыгы /

Ош шаарындагы Бабур атындагы Өзбек музыкалуу Академиялык драма театрында Ош облусунун мугалимдеринин август кеңешмеси ийгиликтүү аяктады. Бул ш-чарага Кыргыз республикасынын билим берүү жана илим министри Догдуркүл Кендирбаева, Президенттин Ош облусундагы ыйгарым укуктуу өкүлү Элчибек Жантаев, жогорку окуу жайларынын ректорлору, райондордун акимдери жана шаарлардын мэрлери дагы катышышты.

        Август кеңешмеси бул сапар «Билим берүүгө 100 жыл: трансформация. чакырыктар жана жаңы горизонттор» аттуу темада уюштурулуп, анда 2023-2024-окуу жылындагы жетишкендиктер баса белгиленип, ошондой эле жаңы 2024-02035-окуу жылына камылгалар, тапшырмалар жана милдеттер ачык-айкын талкууланды.

        Кыргыз республикасынын билим берүү жана илим министри Догдуркүл Кендирбаева буларга өзгөчө токтолду: – Мейли 10 күн, мейли 100 жыл мурун болсун. Баланын келечегин мугалим гана чече алат.Былтыр китеп таппай кыйналдык. Менчик басмаканалар китептерди өтө кымбаат баада сунуш этишти. А китептин өзү социалдык баада болуш кажет! Президентибиз Садыр Жапаров 2023-жылдын сентбярь айында БУУнун бийик трибунасында сүйлөп, Кыргызстан билим берүү аркылуу гана туруктуу өнүгөт деди эле. Мына, президентибиздин тапшырмасы менен 12 жылдык окуу системасына өтүп жатабыз. Өлкөбүздө алгачкы ирет он-лайн мектептер ишке киришти. Быйыл мугалимдер көп иштерди он-лайн форматта толтурдуңуздар. Окуучулар туурасында маалыматтар «Түндүк» системасында турса деле,  Калкты тейлөө борблрундагы маалыматтарды уурдап пайдаланып, бизди ыраса уят кылдыңыздар. Ошондуктан биз ар бил мугалимге мындан ары бирден бардык ыңгайлуулугу бар компьютер – ноутбук таратабыз. Анда бирдиктүү программа орнотулган. Ошентип, биз заман чакырыктарына ылайыкташкан окуучуларды гана даярдашыбыз кажет!

        – Иши кылып биз Сиздерге бардык заманбап шарттарды гана жаратып жатабыз. Андыктан Сиздер дагы жоопкерчилигиңиздерди бекем сезип, таза жана үлгүлүү иштеп бериңиздер? – деп агынан жарылды Президенттин Ош облусундагы ыйгарым укуктуу өкүлү Элчибек Жантаев.

        Ошентип, «Билим берүүгө 100 жыл: трансформация. чакырыктар жана жаңы горизонттор» деген аталыштагы август кеңешмесинде жаңы 2024-2025-окуу жылына камылгалар, тапшырмалар жана милдеттер дагы ачык-айкын жана кенен-чонон  талкууланды. Соңунда бул өңүттө резолюция дагы кабыл алынды.    

Алишер ТОКСОНБАЕВ, өз кабарчы