78 Бардыгы /

Баткен облусуна караштуу Кадамжай районунда мыйзамсыз менчиктештирилген жер тилкеси акыры кайрадан мамлекетке кайтарылды. Бул туурасында Улуттук коопсуздук мамлекеттик комитетинен билдиришти.

        Баса, УКМК тарабынан жеке менчикке мыйзамсыз менчиктештирилген социалдык инфратүзүм обьектилерин аныктоо жана аларды мамлекеттин пайдасына кайтаруу боюнча тиешелүү иштер ырааттуу түрдө гана жүргүзүлүүдө. Маселен, УКМК тарабынан “Кылмыштардын бирдиктүү реестри” автоматташтырылган маалыматтык тутумунун электрондук маалыматтык журналына катталган материалдын негизинде Кадамжай районунун Калача айылынын аймагындагы мурда мыйзамсыз менчиктештирилген болжолдуу баасы 92 миллион сомдон ашык, 1,85 гектар «Стадион» социалдык обьектиси муниципалдык менчиктин балансына кайтарылды.

        УКМК мамлекеттик жерлерди, имараттарды жана курулмаларды жеке менчикке мыйзамсыз менчиктештирүүнүн ушул өёдөнгөн фактыларын аныктоого багытталган иштерди дагыле ырааттуу улантууда. Ошондой эле аларды – обьектилерди мамлекеттин балансына кайтаруу боюнча дагы абдан катаал чаралар көрүлүүдө.

        Алишер ТОКСОНБАЕВ, өз кабарчы