3 Бардыгы /

        Баатырали Сыдыков атындагы Кыргыз-Өзбек Эл аралык университетинде «Кыргыз тили жана Чыңгыз Айтматов ааламы»  аталышындагы мамлекеттик тилдин үч айлыгынын алкагында залкар жазуучунун 95 жылдыгына арналып, анын чыгармаларынан сахналаштырылган театралдык көрүнүш көрсөтүү боюнча сынак аяктады. 

        Аталган сынак Ош шаарынын мэриясы тарабынан уюштурулуп, иш-чара Ош шаарындагы жалпы 7 окуу жайдын студенттери тең катышышты. Сынактын шарттарына караганда, ар бир катышуучу топ Чыңгыз Айтматовдун чыгармаларынан бирөөнү иргеп алып, тарбиялык маанисин, анан дагы мазмунун эч өзгөртпөстөн сценарийин жаңыдан жазып чыгып, чагылдырды.

        Жыйынтыгында баалоо критерийлерине жараша төмөнкү окуу жайлардын командалары жеңүүчү деп табылды:

• 1-орун – 30 миң сом – Ош мамлекеттик университети;
• 2-орун – 20 миң сом – Ниязалы атындагы Ош мамлекеттик музыкалык окуу жайы;
• 3-орун – 15 миң сом – Баатыралы Сыдыков атындагы Кыргыз-Өзбек Эл аралык университети.

    Аталган иш-чара залкар калемгер Чыңгыз Айтматовдун чыгармаларын даңазалоо жана ар тараптуу ачып берүү, улуу жазуучунун өрнөктүү жолун жаштарга үлгү кылуу менен бирге жаш муунду мекенчилдикке, адамгерчиликке жана мыкты сапаттарга тарбиялоо, Кыргыз элинин улуттук баалуулуктарын, рухий дөөлөттөрүн жана маданий-тарыхый мурастарын даңазалоо максатында гана өткөрүлдү.

Алишер ТОКСОНБАЕВ, өз кабарчы