36 Бардыгы /

        Министрлер кабинетинин төрагасынын орун басары — УКМКнын төрагасы Камчыбек Ташиев Ош шаарындагы бир кезде өзү окуган Валентина Терешкова атындагы мектеп-интернаты үчүн курулуп жаткан 700 орундуу окуу корпусу жана дагы 500 орундуу жатаканасынын курулуш иштери менен жеринде таанышты. 

        Маалыматка караганда, ушул тапта эки обьектинин курулуш иштери дээрлик 60 пайызга бүткөрүлдү.

        – Эгерде курулуш сапатсыз болуп калса, өзүңөр кыйналасыңар. Мен текшерүүчүлөрдү артыңардан жөнөтүп, ар бир нерсесин текшертем жана ошого карап гана силердин жумушуңарга дагы баа берилет! – деп эскертти Министрлер кабинетинин төрагасынын орун басары — УКМКнын төрагасы Камчыбек Ташиев.

        Үч кабаттуу жаңы мектепти 2025-жылдын май айына бүткөрүү пландаштырылган. Билим уясы өзүнчө спорт залы, аянтчалары жана башка керектүү жайлары менен дагы кошо курулууда. Ушул тапта курулушта ички жасалгалоо жана дагы жылуулук курун тартуу жумуштары абдан кызуу жүрүп жатат. Мектеп 324 миллион сомго бааланган. Ал эми 500 орундуу жатакана 4 кабаттан турат.

Алишер ТОКСОНБАЕВ, өз кабарчы