3 Бардыгы /

Жусуп Баласагын атындагы Кыргыз улуттук университетинин журналистика жана коммуникация институтунун директору Ширин Костюк соңку сааттарда ОшМУда конок лекция окуду. 

Мыкты педагог Ширин Костюкжурналистика адистигинин студенттерине «Коомдук аң-сезимди калыптандыруудагы ТВнын ролу» аталышындагы конок лекция окуп, өзүнүн журналистика тармагындагы тажрыйбасы, заманбап медиа чөйрөдөгү бүгүнкү олуттуу өзгөрүүлөр жана ЖМКлардын коомго түздөн-түз тийгизген таасири туурасында ой-пикир бөлүштү. Технологиялык жактан өнүккөн доордо аталган адистиктин нравалык, моралдык аспектилерине дагы өзүнчө токтолуп, коомдук аң-сезимди калыптандыруудагы журналисттердин ролун жана жеке жоопкерчилигин дагы баса белгиледи.

Ушундан соң Жусуп Баласагын атындагы Кыргыз улуттук университетинин журналистика жана коммуникация институтунун директору Ширин Костюк ОшМУнун студенттерин кызыктырган суроолоруна дагы жооп кайтарды. Ушуга улай эле Ширин Костюк Кыргыз улуттук университетинин ректору Догдурбек Чонтоев баштаган делегациянын курамында ОшМУну кыдырып, өз ара кызматташуу келишимин жаңылоо иш-чарасына катышты.

Алишер ТОКСОНБАЕВ, өз кабарчы