39 Бардыгы /

ОшМУнун Табият таануу, дене тарбия, туризм жана агрардык технологиялар институтунан Гүлкайыр Базарбаева баштаган окутуучулар жана студенттер тобу «Альпиниада-2025» Эл аралык жүрүшүнө катышышты. 

ОшМУнун өкүлдөрү деңиз деңгээлинен 4204 метр бийиктикте жайланышкан Комсомол чокусун багындырышып, Кыргызстандын «Альпинизм жана аскага чыгуу» федерациясынын мүчөсү болушту. Ошондой эле аларга «Кыргызстандын альпинисти» төш белгиси дагы тапшырылды. Катышуучулар бул сынактан ийгиликтүү өтүшүп, өз адистигине болгон кызыгуусун жана даярдыгын дагы бир жолу тастыкташты.

Баса, аталган иш-чараны Кыргыз Республикасынын «Альпинизм жана аскага чыгуу» федерациясы уюштурду. Жүрүш ОшМУнун студенттери үчүн чоң стимул деле жаратып, алардын туризм тармагындагы практикалык көндүмдөрүн дагы ыраса бекемдөөгө өбөлгө жаратты. Мындан тышкары жаштарга командалык иш, чыдамкайлык жана кесипкөйлүк өңдөнгөн өтө маанилүү сапаттарды өрчүтүүгө жардамдашты.

Алишер ТОКСОНБАЕВ, өз кабарчы