21 Бардыгы /

Быйылкы жылдын 17-18-майында Казакстан Республикасынын Алматы областынын Каргалы айылынын Эликсай аймагында Кунанбай ажынын урматына жаштар жана чоңдор арасында салттуу жаа атуу боюнча ачык эл аралык мелдеш өткөрүлдү.

ЭАУнун Кесиптик багыт берүү & коомчулук менен байланыштар кызматы билдиргендей, аталган мелдешке К.Ш. Токтомаматов атындагы Эл аралык университеттин Гуманитардык-экономикалык колледжинин жалпы теориялык сабактар кафедрасынын улук окутуучусу Чолпонай Жуманалиевна Умуркулова да катышты. Аталган мелдештин жыйынтыгы боюнча ал аялдар арасында “3D–24” бутасына атуу боюнча I орунду жана “Калкан” бутасына атуу боюнча III орунду ээледи.

“Чолпонай Жуманалиевнаны спорттук ийгиликтери менен куттуктайбыз жана жаңы спорттук жеңиштерди каалайбыз!”-дейт ректорат.

 Белгилей кетсек, ал буга чейин да эл аралык жана республикалык мелдештерде салттуу жаа атуу боюнча бир нече жолу байгелүү орундарга ээ болгон.