3 Бардыгы /

Бүгүн, 16-майда Жалал-Абад шаарындагы облустук Барпы Алыкулов атындагы кыргыз драма театрында энелер күнүнө арналган майрамдык иш-чара болуп өттү.

Иш-чарага Жалал-Абад шаарынын мэри Эрнисбек Ормоков, Жалал-Абад шаардык депутаттар кеңешинин төрагасы Орозбек Турдубеков, шаардык кеңештин депуттары, баатыр энелер, шаардагы мекеме –ишканаларда эмгектенген энелер, шаар тургундары катышты.

Шаар башчысы энелер — жашоонун башаты, үй-бүлөнүн ынтымагын ширелткен, коломтонун ээси, коомубуздун уюткусу жана үйүбүздүн куту деп белгилеп, жалпы апаларды энелер күнү менен куттуктап, бир катар энелерге ардак грамоталарды тапшырды.

Белгилей кетсек, Кыргызстанда жыл сайын май айынын үчүнчү жекшембисинде энелер күнү белгиленет. Учурда Жалал-Абад шаарында 250дөн ашуун “Баатыр эне” жана 50 “Эне даңкы” медалынын ээси бар.