Аймак

ПРЕЗИДЕНТ ЖЭЭНБЕКОВ АГАРТУУ ТАРМАГЫНЫН ЖЕТЕКЧИЛИГИ ЖАНА СТУДЕНТТЕР МЕНЕН ЖОЛУГУШТУ

ПРЕЗИДЕНТ ЖЭЭНБЕКОВ АГАРТУУ ТАРМАГЫНЫН ЖЕТЕКЧИЛИГИ ЖАНА СТУДЕНТТЕР МЕНЕН ЖОЛУГУШТУ

 1,530 Бардыгы /

БИШКЕК. Кыргыз Республикасынын Президенти Сооронбай Жээнбеков Бишкек шаарындагы мектептердин, орто окуу жайларынын жана ЖОЖдордун жетекчилиги, ошондой эле  студенттери менен жолугушту.

Президент Сооронбай Жээнбеков адегенде Бишкек шаарындагы жалпы билим берүү мекемелеринин абалы менен дагы жеринде таанышып, №69- жана №12-мектептерге барып, окуу шарттарына абай салды. Андан соң №69-мектептин класстык бөлмөлөрүн кыдырып, окуучулар менен чык дилден маектешти. Мектеп окуучулары Президент Сооронбай Жээнбековго предметтик сабактардын кандай өтүлөөрүн дагы көрсөткөнгө үлгүрүштү. Ошондой эле улуттук аспаптарда ойношуп, гимнастикалык көнүгүүлөрдү дагы жасашты. №12-мектепте Бишкек шаарынын мэри Азизбек Суракматов борбордогу мектептердин абалы жөнүндө кең-кесири маалымат берди. Президент андан соң №98-кесиптик лицейге баш багып, лицейдин иши менен дагы таанышты. Буга улай окуучулар жана окуу жайдын жамааты менен бетме-бет маектешти.

Соңунда Президент Сооронбай Жээнбеков Жусуп Баласагын атындагы Кыргыз Улуттук университетине кирип, ЖОЖдун бүгүнкү акыбалы менен таанышты. Ушул эле Улуттук университетте Мамлекет башчысы борбор калаабыздагы бардык жогорку жана окуу жайларынын, ошондой эле кесипчилик-техникалык окуу жайлардын жетекчилиги, окутуучулар жана студенттер менен жолугушуп, жалпы билим берүү тармагындагы абалга баасын берип, келечекке милдеттерди аныктады.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17