1,395 Бардыгы /

ЖАЛАЛ-АБАД. Чаткал районунун Каныш-Кыя айыл өкмөтүнүн Кара-Суу айылында бардык шарттары менен ФАП жана мечит ачылып, пайдаланууга берилди.

Каныш-Кыя айыл өкмөтүнүн Кара-Суу айылындагы ФАПтын ачылышына Чаткал районунун башчысы-аким Алтынбек Сеңирбаев, «Ассанабил» коомдук кайрымдуулук фондунун директору Мохамед Абделкарим Али

Каныш-Кыя айыл өкмөтүнүн башчысы Бакытбек Исабеков, айыл тургундары аксакалдар катышты. Аталган ФАП жана мечит, балдарды окутуучу жай (медресе)  “Ассанабил” коомдук кайрымдуулук фонду тарабынан курулду. Анда аким «Ассанабил» коомдук кайрымдуулук фондунун директору

Мохамед Абделкарим Алиге ардак грамота, ошондой эле аталган фонддун өкүлдөрүнө ыраазычылык кат тапшырды.

Эскерте кетсек, “Ассанабил” ККФ 2004-жылы  Кыргызстанда негизделип, калктын социалдык муктаждыктарын жеңилдетүү максатында бир топ долбоорлордун үстүндө иш  алып барышууда. Медициналык проекттерден сырткары мектеп куруп жана башка дагы кайрымдуулук жаатында иш жүргүзүп келишет.

Мухамедалы ЭШНАЗАРОВ, Чаткал району