1,368 Бардыгы /

ОШ. Ош облусунун Ош — Сары-Таш — Эркештам автоунаа жолуна тынбай кар көчкү түшүп, жолдорго маал-маалы менен чектөө киргизилип жаткан маалы. Бул туурасында Ички иштер министрлигине караштуу Жол кыймылынын коопсуздугун камсыз кылган башкы башкармалыктан (ЖКККББдан) кабарлашты.

Маалыматка караганда, жогоруда аталган автожолдун 167-169 жана 171-173-чакырымдарында кар көчкү тынбай түшкөн. Ушул тапта ЖКККББнын Жол көзөмөлдөө бөлүмү жана ЖТМнын техникасы жолдорду чекесинен тазалоодо.

Ички иштер министрлигинин Жол кыймылынын коопсуздугун камсыздоо башкы башкармалыгы айдоочулардан алдыдагы унаа менен болгон аралыкты 500 метрге чейин сактап, туманга каршы фараларды күйгүзүп, ылдамдыкты ашырбай айдоого гана чакырат.

Алишер ТОКСОНБАЕВ, өз кабарчы