1,158 Бардыгы /

БИШКЕК. ИИМдин “Кыргыз Республикасынын ИИОнун өздүк курамына окутууларды жүргүзүү жана иш сапарга жөнөтүү” жөнүндө тескемесинин негизинде, 2023-жылдын 17-февралынан 10-мартына чейинки аралыкта ИИМдин коллегиясынын жыйынтыгы менен кабыл алынган 7 приоритеттүү багыттар боюнча республиканын 7 облустунун ИИОнун өздүк курам арасында окутуулар жүргүзүлдү. ИИМдин басма сөз кызматы  билдиргендей, аталган иш-чараларга иш сапары менен келген ИИМдин коомдук коопсуздук кызматынын бөлүм башчысы, милициянын полковниги Таалай Алижанов жана милициянын көчмө кабылдамасын колдоо Ассоциасынын директору, милициянын
отставкадагы полковниги Шамшыбек Мамыровдун катышуусунда жүргүзүлдү.
Ошондой эле жыйындарга жергиликтүү өзүн-өзү башкаруу органдарынын, билим
берүү мекемелеринин өкүлдөрү, коомдук алдын алуу борборлорунун мүчөлөрү,
ички иштер бөлүмдөрүнүн ардагерлер кеңешинин төрагалары, Ички иштер
башкармалыктардын начальниктери, алардын орун басарлары жана коомдук
коопсуздук кызматынын кызматкерлери катышышты.
Жер-жерлерде коомчулуктун өкүлдөрүнө жана ички иштер бөлүмдөрүнүн өздүк
курамына, милициянын отставкадагы полковниги Шамшыбек Мамыров 7 багытта
көрсөтүлгөн тапшырманын ар бир пункттарына токтолду. Анда коомдук
коопсуздукту сактоо, кылмыштуулуктун алдын алуу, кылмыштуулуктун бетин
ачуу, милиция кызматкерлеринин кесипкөйлүүлүгү, ошондой эле эл менен
милициянын ортосундагы байланышты чыңдоо, калк арасындагы көйгөйлөрдү
чечүүдө милиция кызматерлеринин калыстыгы, сабаттуулугу чоң мааниге ээ
экендигин белгилеп, министрлик тарабынан берилген ар бир тапшырманы
кынтыксыз аткаруулары керектиги айтылды. Андан сырткары милициянын көчмө кабылдамаларынын ишинин натыйжалуулугу жана калкка көрсөтүлүп жаткан кызматтын сапатын жогорулатуу боюнча маселелер дагы талкууланды.
Республика боюнча милиция кызматкерлеринин кесиптик деңгээлин, руханий
адеп-ахлактык сапатын жогоруулатуу, өздүк курам арасында кызматтык
тартипти жана мыйзамдуулукту бекемдөө, ар бир милиция кызматкерлеринин
жүрүм-турум эрежелерин так сактоого багытталган иш сапар өз максатына
жетип, милиция кызматкерлери тарабынан туура кабыл алынды.
Белгилей кетсек, коомдук коопсуздук кызматынын бөлүм башчысы, милициянын
полковниги Таалай Алижанов жана Милициянын көчмө кабылдамасын колдоо
Ассоциасынын директору, милициянын отставкадагы полковниги Шамшыбек
Мамыров иш сапары менен жалпысынан ички иштер органдарынын 54 шаардык,
райондук бөлүмдөрүндө окуу-семинарларын өткөрүп келди.