1,191 Бардыгы /

Өткөн жума күнү «Кепилдик фонд» ААК менен «Керемет Банк» ААК ортосунда №2 программанын алкагында портфелдик кепилдиктерди берүү боюнча кызматташуу жөнүндө келишимге кол коюлду. Бул тууралуу аталган фонддун коомчулук менен байланыш бөлүмү билдирди.

Документке «Кепилдик фонд» ААК жана «Керемет Банк» ААК башкармалыктарынын төрагаларынын орун басарлары Эрик Таласбаев жана Кастор Мамытова кол коюшту.Келишимдин максаты ишкерлердин милдеттенмелеринин бир бөлүгүн камсыз кылуу үчүн портфелдик кепилдиктерди берүү, ошондой эле «Кепилдик фонд» ААК менен «Керемет Банк» ААК ортосунда кредиттик тобокелдикти бөлүштүрүү болуп саналат. Келишимдин алкагында тараптар жалпы принциптерди, шарттарды жана Портфелдик Кепилдик Каттоо системасында (ПККС) ылайыктуу каржылоо келишимдерин каттоо механизмин сактоого ниеттенишет.Каржылоо келишимдерин ПККСда каттоодо “автоматтык” принциби колдонулат, бул белгиленген критерийлерге жооп берген ишкерлер үчүн бардык каржылоо келишимдери автоматтык түрдө системага киргизилиши керек экендигин билдирет.Каржылоо келишимдери боюнча ар кандай айыптар «Керемет Банк» ААК менен «Кепилдик Фонд» ААК ортосунда пропорционалдуу түрдө «пари-пассу» принциптери боюнча бөлүштүрүлөт.

Белгилей кетсек, портфелдик кепилдиктердин жана аларды каттоо системанын аркасында «Кепилдик фонд» ААКга арыз менен насыя берүүчү ишкер менен банктын биргелешкен арызынын зарылдыгы жоюлган. Ошондой эле, насыя алуу үчүн арыздарды кароо мөөнөттөрү кыскартылып, карыз алуучу тарабынан берилген керектүү документтердин пакети кыскартылды.

Финансы рыногунда портфелдик кепилдиктерди колдоонуу «Кыргыз Республикасындагы кепилдик фонддор жөнүндө» мыйзамга тиешелүү өзгөртүүлөр киргизилгенден кийин мүмкүн болду.