1,407 Бардыгы /

ЖАЛАЛ-АБАД. Шаарга караган Тоо-Кызыл-Суу айылындагы кооптуу аймакта жашагандарга көчүү боюнча эскертүү берилди. Бул тууралуу Жалал-Абад шаардык мэриясынын маалымат борбору билдирди.

Жалал-Абад шаарынын мэринин орун басары Айбек Джолдошев жарандык коргонуу кызматынын өкүлдөрү менен биргеликте Тоо-Кызыл-Суу айылынын тургундары менен жолугушту. Анда жарандык коргонуу кызматынын көчүрүү комиссиясы тарабынан тургундарга кооптуу аймактан көчүү боюнча эскертүү беришти. Бирок,  айыл тургундары “Көчүп кетүүгө макул эмеспиз“ деген оюн айтышып, түзүлгөн актыга кол коюшту.

Белгилей кетсек, аталган айылда 26  үй-бүлө жер көчкү коркунучу бар аймакта жашайт. Аларга жыл сайын кооптуу аймактан көчүү боюнча эскертүүлөр берилип келет.